Neymar besh daqiqada "Santos"ni qutqardi
«Santos» hujumchisi Neymar uzoq tanaffusdan so‘ng yana gol urishni boshladi. 34 yoshli futbolchi Braziliya chempionati – Seriya A doirasidagi «Flamengo»ga qarshi uchrashuvda ikkinchi bo‘lim avvalida zahiradan maydonga tushdi. O‘sha paytda tabloda mezbonlar foydasiga 2:0 hisob yozib turgan edi.
79-daqiqada «Santos» tarkibidagi Jorjinho maydondan chetlatilib, jamoa bir futbolchi kam bo‘lib qoldi. Shunga qaramay, «Santos» taslim bo‘lmadi. 82-daqiqada Neymar penaltini aniq amalga oshirib, hisobni qisqartirdi – 1:2. Oradan besh daqiqa o‘tib, u yana 11 metrlik zarbani muvaffaqiyatli yo‘lga qo‘ydi va hisobni tenglashtirdi.
Shu tariqa, «Santos»ning mag‘lubiyatsiz seriyasi chempionatda sakkiz o‘yinga yetdi va jamoa turnir jadvalida sakkizinchi pog‘onada o‘rnini mustahkamladi.
«Flamengo» esa ushbu g‘alabani qo‘ldan chiqarganiga qaramay, musobaqa peshqadami sifatida qolmoqda.
Neymar uchun bu gollar 25 iyuldan buyon rasmiy uchrashuvlarda urilgan ilk to‘plar bo‘ldi.
Fikrlar