Neymar bu yil boshqa futbol o‘ynamaydi

Braziliyaning “Santos” klubi hujumchisi Neymar chap tizzasidan jarohat oldi va  bu yil davomida boshqa maydonga tushmaydigan bo‘ldi. Bu haqda Globo xabar bermoqda.

Manbaning ma’lumotiga ko‘ra, Neymar Braziliya A Seriyasining 35-turidan o‘rin olgan “Internasional”ga qarshi o‘yin oldidan chap tizzasida og‘riq sezgan va shu sababli ushbu o‘yinni o‘tkazib yuborgan.

Dastlab hujumchi keyingi o‘yingacha safga qaytishi kutilgan edi, ammo jarohat avval taxmin qilinganidan ko‘ra jiddiyroq bo‘lib chiqdi.

Natijada, Neymar jamoasiga elit divizionda qolish uchun kurashdagi hal qiluvchi uchrashuvlarda yordam bera olmaydi.

Joriy mavsumda hujumchi “Santos” safida barcha musobaqalarda 25 ta o‘yin o‘tkazib, hisobiga ettita gol va bitta golli uzatma yozib qo‘ydi.

Neymarning klub bilan amaldagi mehnat shartnomasi 2025 yil oxirigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor qiymati € 11 millionni tashkil etadi.