Неймар жамоадошининг машинаси ғилдиракларини ёриб ташлади (фото)

“Ал-Ҳилол” ҳужумчиси Неймар жамоадоши Ренан Лодининг машинаси ғилдиракларини пичоқ билан ёриб ташлади.

Actu Foot нашрининг ёзишича, бразилиялик юлдуз бу ишни чап қанот ҳимоячисидан ўч олиш мақсадида қилган.

Ренан Лоди Неймарнинг кроссовкаси боғичларини бир бирига боғлаб қўйганди. Бу ҳазил машҳур юлдузга ёқмаган.

Айни пайтда Неймар оғир жароҳатидан тикланишга ҳаракат қилмоқда. 32 ёшли футболчи ўтган йили ёзда Бразилия терма жамоаси сафида тиззасидан шикастланган эди.

Неймар 2023 йилнинг ёзида ПСЖдан “Ал-Ҳилол”га ўтганидан бери барча турнирларда бешта ўйин ўтказиб, битта гол ва учта ассист қайд этган.