Неймар ўзига янги лига танлади

ПСЖ раҳбарияти ёзда жиддий ўзгаришлар қилади. Клуб хўжайинлари Килиан Мбаппе атрофида асосан франциялик ёш ўйинчиларни жамлаб, тезкор,курашувчан, Чемпионлар лигасида ғолиб чиқишга қодир жамоа тузмоқчи.

Парижликлар жаҳон футболидаги энг қиммат трансфер эгаси – Неймар билан ҳам хайрлашишга тайёр. Шу пайтгача ПСЖдан кетишга қарши бўлган 31 ёшли форвард мухлислар эътирози ва матбуот босимига тоқат қилолмай қолди ва фаолиятини бошқа лигада давом эттиришга илк бор розилик берди.

UOL нашри инсайдери Бруно Андраденинг маълум қилишича, Неймар келаси мавсумни Англия Премьер-лигасида бошламоқчи.

Бу ўйинчига харидор ҳам тайёр. “Манчестер Юнайтед”, “Челси” ва “Ньюкасл” дриблинг устасини ўз сафига қўшиб олмоқчи.