Неймар Пеле бўлолмайди, чунки...

Франциялик машҳур футболчи Матье Вальбуэна ПСЖ ҳужумчиси Неймар ҳақида ўз фикрларини билдирди.

- Бразилия фантастик даражадаги ўйинчиларни, афсоналарни тарбиялаб берган. Лекин Неймарга катта-катта совринлар етишмаяпти. У Пеле ва Роналдо даражасидан анча узоқда, - дейди Вальбуэна.  

Неймар Бразилия терма жамоаси таркибидаги голлари сонини 64 тага етказиб олди. Бразилиянинг энг зўр тўпурари Пеле ҳисобида 77 та гол бор. Неймар футбол қиролининг рекордини уришга яқин тургани учун уни Пеле билан тенглаштира бошлашди.