Неймарни нега “Барса”га беришмади?

“Барселона” спорт директори Деку бразилиялик юлдуз Неймарни Каталонияга келмагани сабабини очиқлади.

Маълумки, 31 ёшли ҳужумчида фаолиятини “Барселона”да давом эттириш истаги бор эди. Охир-оқибат, Неймар Саудия Арабистонига йўл олди.

- Афсуски, ҳозирги молиявий ҳолатимиз катта трансферларни амалга ошириш имконини бермайди. Бу масалада ПСЖ ёки “Ал-Ҳилол” билан Неймарни бир мавсумга ижарага олиш бўйича келишувга эришишимиз муҳим аҳамият касб этарди. Лекин ҳар икки клуб ҳам бизга рад жавобини берди, - деди Деку.

Неймар 2013-2017 йиллар давомида “Барселона” сафида 186 та учрашувда қатнашиб, ўз ҳисобига 105 та гол ва 76 та ассист ёздириб қўйган.