Неймарнинг отаси: "Реал" бизга жуда катта пул таклиф қилган"

Ҳужумчи Неймарнинг отаси футболчининг "Сантос"дан "Барселона"га ўтганини эслади. Сениор Сантоснинг сўзларига кўра, ўша пайтда "Реал"нинг футболчига таклифи молиявий жиҳатдан анча фойдали бўлган.

"Барселона" билан шартнома имзолаш тўлиқ Неймарнинг қарори эди. Менда "Барселона" ва "Реал"дан таклифлар бор эди. "Реал"нинг таклифи уч баравар юқори эди. Аммо Неймар "йўқ" деди, чунки у шу йигитлар билан ўйнашни хоҳлади. Унинг орзуси "Барселона"да ўйнаш эди," – деди Неймарнинг отаси Jota Jota подкастида.