Н'Голо Канте қанча муддатга сафдан чиқди?

"Челси" ярим ҳимоячиси Н'Голо Канте АПЛ 26-тури доирасида "Манчестер Юнайтед"га қарши ўйинда жароҳат олиб майдонни вақтли тарк этишга мажбур бўлган эди.

Француз нашрлари хабарига кўра, футболчи жароҳат боис 2-3 хафта мобайнида жамоасига ёрдам бера олмайди. Шу тариқа 28 ёшли футболчи УЕФА Чемпионлар лигаси 1/8 финали доирасида "Бавария"га қарши бўлиб ўтадиган дастлабки ўйинни ўтказиб юборади.

Эслатиб ўтамиз, ушбу учрашув 25 февраль куни Лондонда бўлиб ўтади.