Ниҳоят, Роналдуни олишга тайёр суперклуб топилди

“Ювентус” ёзги трансферлар якунлангунича Криштиану Роналдуни сотиб юбориши мумкинлиги ҳақида хабарлар тарқатилган эди. Ҳужумчининг агенти Жорже Мендеш мижозига янги жамоа топиш мақсадида “Манчестер Сити”га мурожаат қилганди.

Бироқ, “Реал” португалиялик тўпурарни ортга қайтариши кутилмоқда. Жамоа бош мураббийи Карло Анчелотти клуб хўжайинлардан Роналдуни олиб келишни сўрамоқда. Анчелотти Роналдунинг манфаатларини ҳимоя қилаётган мутасаддилар билан трансфер масаласида гаплашгани ҳақида ҳам хабарлар чиқяпти.

Маълумотларга кўра, Роналдуни қайтариш фикрини Анчелоттидан ташқари “Реал”нинг аксарият футболчилари ҳам қўллаб-қувватламоқда.

Ўз навбатида, клуб президенти Флорентино Перес энг асосий трансфер нишони сифатида Килиан Мбаппени қайд этган. Агар мадридликлар тез кунларда ПСЖни ҳужумчини сотишга кўндира олмаса, Криштиану Роналду вариантига қайтади.