Нико Ковач Хамесни "Бавария"да олиб қолишни хоҳламаяпти

Мюнхеннинг "Бавария" клуби ярим ҳимоячиси Хамес Родригес мавсум якунлангач яна "Реал"га қайтади.

Marca нашри тарқатган хабарга кўра мюнхенликлар устози Нико Ковач колумбиялик футболчини таркибда сақлаб қолишни хоҳламаяпти. Шу боис немис гранди уни 42 миллион евро эвазига сотиб олиш ҳуқуқидан фойдаланмайди ва Мадридга қайтариб юборади.

Эслатиб ўтамиз, "Бавария" Хамесни 2017 йил "Реал"дан 2 йилга ижарага олган эди. У жорий мавсум 31та ўйинда иштирок этди ва ўз ҳисобига 7та гол ёздириб қўйди.