Нико Уильямс: "Келажакда нима бўлишини ҳеч ким билмайди"

Испания терма жамоаси ва Билбаонинг "Атлетик" клуби вингери Нико Уильямс ёзги трансферлар ойнасида "Барселона"га ўтмагани ҳақида гапирди.

"Бундай катта клуб қизиқиш билдираётгани ёқимли. Лекин мен анча олдин Билбаода ўйнашга қарор қилгандим. Жамоамга фойда келтиришни жуда хоҳлайман. Менинг юрагим шу жамоага тегишли, шу ерда ўйнашни хоҳлайман. Аммо келажакда нима бўлишини ҳеч ким билмайди", - дея футболчининг сўзларини келтиради Sport.es.

Уильямснинг "қизил-оқлар" билан амалдаги шартномаси 2027 йилнинг ёзига қадар тузилган. Унинг нархи 70 миллион еврога баҳоланмоқда.