Никола Лазаревич: "Қаршиликларда ғолиблик руҳи анча шаклланган"

“Насаф”- “Қизилқум” жамоалари ўртасидаги учрашувдан кейинги матбуот анжуманида меҳмонлар устози Никола Лазаревич ОАВ ходимларининг саволларига жавоб қайтарди. 

"Насаф”ни ғалаба билан табриклайман. Улар амалдаги чемпион ҳисобланишади ва бугун бу статусга лойиқ эканликларини яна бир маротаба исботлашди. 

Биз бу беллашув қийин ўтишини билардик ва шунга мос тарзда тайёргарлик кўрдик. “Насаф”га қарши ҳимояланиб, имкон борича қарши ҳужумлардан фойдаланиб қолишга уриндик. Биринчи бўлимда қаршиликларнинг ҳужумларини бартараф эта олдик.  Аммо иккинчи бўлим бошиданоқ тезкор гол ўтказдик. Иккинчи голдан кейин эса ўйинни “қутқариш” имконсиз эди. Қолаверса, жисмоний жиҳатдан ҳам устунлигини намойиш этиб, бизга имкон бермади. 

“Насаф”нинг чемпионат доирасидаги ва Туркиядаги ўқув-машғулот йиғинидаги ўйинларини кузатгандим. Жамоа мураббийи ҳам анча йиллардан бери клубда ишлаб келаяпти. Қаршиликларда ғолиблик руҳи анча шаклланган", - деди Лазаревич