Нодиржон Мирзаҳмедов: Осиё чемпионати боксчиларимиз учун омадли келди

"Осиё чемпионати терма жамоамиз аъзолари учун омадли келди. Мусобақа давомида 4 та олтин, 1 та кумуш ва 4 та бронза медалига сазовор бўлдик. Эркаклар ўртасидаги баҳсларда умумжамоа ҳисобида биринчи ўринни қўлга киритдик. Ушбу муваффақиятимизнинг замирида Ўзбекистон Республикаси Президенти, Жисмоний тарбия ва спорт вазирлиги, Ўзбекистон бокс федерацияси томонидан яратиб берилган шароитлар турибди.

Шунингдек, барча мураббийларимизга раҳмат. Фурсатдан фойдаланиб, мусобақа давомида бизни қўллаб-қувватлаб турган мухлисларимизга ўз миннатдорчилигимни билдираман", - деб Нодиржон Мирзаҳмедовнинг сўзларини келтириб ўтди Ўзбекистон бокс федерацияси матбуот хизмати.