Нўъмон Ҳасанов: Мухлисларимиз бу йил бошқача "Навбаҳор"ни, кучлироқ жамоани кўришади

ЎзПФЛ биносида Coca Cola Суперлигаси янги мавсуми учун қуръа ташлаш маросими бўлиб ўтмоқда. Унда журналистларга кичик интервью берган "Навбаҳор" устози Нўъмон Ҳасанов қўйидаги фикрларни билдириб ўтди:

" Таркибимизни ўзим танладим, ўзим футболчиларни чақирдим. Ўтган йилги футболчилардан кўпи сафимизда қолди. Мухлисларимиз бу йил бошқача "Навбаҳор"ни, кучлироқ жамоани кўришади. Азиз Турғунбоевнинг кетиши катта йўқотиш. Уни жуда ҳурмат қиламан, бирга ишлаганимиздан хурсандман. Унинг ўз устида ишлашини кўрдим. Унга омад тилайман, чиройли ўйинлари билан мухлисларни хурсанд қилсин.

Мухлисларга тилагим бизни қўллаб-қувватлашсин, битта оила бўлайлик. Ўйин пайти ҳар хил вазият бўлади. Қўлимиздан келганча, биринчи ўйинда мухлисларни хурсанд қилиш ниятидамиз. VAR ҳамма ўйинларда қўлланилса яхши бўларди."