Новак Жокович "US Open"да иштирок этмайди

"Катта дубулға" туркумига кирувчи турнирларнинг 21 карра ғолиби Новак Жокович "US Open"да иштирок этмайди.

Бунга унинг коронавирусга қарши вакцина олишдан бош тортгани сабаб бўлди. Унинг ўзи ҳолатга қуйидагича изоҳ берди. "Афсуски, бу сафар Нью-Йоркка бора олмайман. Меҳрингиз ва қўллаб-қувватлаганингиз учун раҳмат. Барча иштирокчиларга омад тилайман!

Мен спорт формамни яхши даражада ушлаб туришга ҳаракат қиламан ва кейинги ўйинимни интизорлик билан кутаман. Тез орада...",-дея ёзиб қолдирди сербиялик ракетка устаси.

Аввалроқ, Новак худди шу сабаб туфайли Австралия очиқ чемпионатини ҳам ўтказиб юборганди.