Нохуш хабар! "Насаф" етакчиси учун мавсум якунланди

Хабарингиз бор, "Насаф" ОФК Кубоги ҳудудлараро финалида Ҳонконгнинг “Ли Ман” жамоаси билан куч синашди, тўрт бўлим давом этган беллашувда 3:2 ҳисобида ғалаба қозонди. 

Ушбу беллашувда "аждарлар" ҳимоя қўрғонларидан бири бўлган Ҳусниддин Алиқулов 56-дақиқада жароҳат сабабли алмаштирилганди.

"Тиббий текширувларда аниқланишича, Ҳусниддин Алиқуловнинг умров суяги ёпиқ синган. Ҳусниддин бугун жарроҳлик амалиётини ўтади. Ҳимоячи мавсум сўнгига қадар жамоасига ёрдам бера олмайди", -дея ёзмоқда клуб матбуот хизмати.

Ҳусниддинга шифо сўраб, тезроқ "Насаф" сафига келиб қўшилишини тилаб қоламиз.