"Nyukasl" Benites bilan shartnomani uzaytirmoqchi

Angliyaning "Nyukasl" klubi rahbariyati jamoa bosh murabbiyi Rafael Benitesga yangi shartnoma taklif qilmoqchi. Bu haqda Daily Mirror nashri xabar bermoqda.

Ta’kidlash lozimki 58 yoshli ispaniyalik mutaxassisning “qarg‘alar” bilan amaldagi shartnomasi joriy mavsum yakunida o‘z nihoyasiga etadi. U jamoani 2016 yildan buyon boshqarib kelmoqda.

Eslatib o‘tamiz, bundan avvalroq Benites jamoa rahbariyatining transfer siyosatidan norozi bo‘layotgani va shu sabab "Nyukasl"dan ketmoqchi ekanligi haqida xabarlar tarqalgan edi.

Ma’lumot uchun, "Nyukasl" ayni damda premer-liga musobaqa jadvalida 35 ochko bilan 13-o‘rinni egallab turadi.