"Ньюкасл" биринчи бўлиб кимни сотиб олиши маълум

Мадриднинг "Атлетико" клуби ҳимоячиси Киран Триппьер Англияга қайтиши мумкин.

Унга "туманли альбион"нинг "Ньюкасл" жамоаси қизиқиш билдирмоқда. "The Northern Echo" хабарига кўра, саудиялик миллиардерлар қўлига ўтган клубнинг дастлабки трансфери айнан англиялик футболчи бўлади.

"Қарғалар" раҳбарияти 31 ёшли ҳимоячини қишки трансфер ойнасидаёқ сотиб олмоқчи. Уни қўйиб юбориш учун "Атлетико"га 30 миллион евро атрофидаги маблағ таклиф этилиши кутилмоқда. Шунингдек, футболчининг ўзига ҳам катта маош берилади.

Триппьерга Премьер-лига бегона эмас. У аввал "Бёрнли" ҳамда "Тоттенхэм" шарафини ҳимоя қилган.