“Ньюкасл” клуби ўзининг асосий ҳимоячиси ва сардори ҳисобланган Жамал Ласселлсни маълум муддатга йўқотди. Бу ҳақда BBC хабар тарқатмоқда.

Гап шундаки,  англиялик футболчи АПЛнинг ўтган турида “Борнмут”га (2:1) қарши ўйинда жароҳат олиб 20-дақиқада майдонни тарк этган эди. Кейинроқ ўтказилган тиббий текширувлардан сўнг маълум бўлдики, унинг тиззаси жиддий жароҳатлангани маълум бўлди. Шифокорлар унинг соғайиши учун 3 ой вақт талаб этилиши мумкинлигини айтишмоқда.

Маълумот учун, Ласселс жорий мавсум АПЛда 12 та ўйинда иштирок этди ва 1 та гол уришга эришди.