"Ньюкасл" ёзда қимматбаҳо футболчини олиб келмоқчи

Германиянинг "Байер" жамоаси вингери Мусса Диаби ёзда "Ньюкасл" сафига кўчиб ўтиши мумкин. Бу ҳақда "Daily Mail" нашри хабар бермоқда. 

Англия клуби  франциялик футболчини бир неча ойдан бери кузатиб келмоқда. "Қарғалар" у учун 50 миллион фунт стерлингдан воз кечишга тайёр. 

Леверкузенликлар ўз ўйинчисини 75 миллион фунтга баҳоламоқда. Худди шу миқдордаги пулни "Байер" "Челси" таркибига ўтган Хаверц трансферидан олганди. 

Жорий мавсум Мусса Бундеслига доирасида 21 та ўйинда иштирок этиб, 12 та гол ҳамда 7 та самарали узатма муаллифига айланди.