"Нюкасл"га қарши тўлиқ учрашув ўтказган Ҳусанов қандай статистика қайд этди?

Хабарингиз бор, Англия Премьер-лигасининг 25-тури доирасида "Манчестер Сити" "Ньюкасл Юнайтед"ни 4:0 ҳисобида мағлубиятга учратди. Мазкур учрашувда ҳамюртимиз Абдуқодир Ҳусанов тўлиқ ҳаракат қилди. 
 
Миллий терма жамоамиз аъзоси Ҳусановнинг ушбу беллашувда қайд этган статистикаси билан танишинг. 
 
20 ёшли ҳимоячимиз ушбу ўйин давомида 76 марта тўпга тегинишга муваффақ бўлиб, 68 та узатма берди. Уларнинг 63 таси жамоадошларига аниқ етиб борди (93 %). Бундан ташқари, иқтидорли ҳимоячи ўйин давомида 7 бора узоқ масофага узатмани амалга ошириб, 2 таси аниқ етиб борди. 
 
Абдуқодир майдондаги 3 та курашлардан биттасида ғалаба қозонишга ҳам муваффақ бўлди. Шундай бўлса ҳам, иккинчи қаватдаги курашларда 2 тадан 2 тасида рақибларидан тўпни ечиб олди. Шу билан бирга, Ҳусанов тўқнашув давомида 2 бора қоидани бузишга ҳам улгурди. Унинг ушбу ҳаракатларини "Sofascore" портали 7.0 баллга лойиқ кўрди. 
 
Маълумот ўрнида, Гвардиола бошчилигидаги "шаҳарликлар" навбатдаги учрашувини 19 февраль куни Испаниянинг "Реал Мадрид" клубига қарши ўтказади.