“Манчестер Сити” клубининг собиқ футболчиси Майк Ричардс “Арсенал”га  Пьер-Эмерик Обамеянгни таркибда сақлаб қолиши кераклигини маслаҳат берди.

Эслатиб ўтамиз, бундан аввалроқ “канонирлар” 30 ёшли габонлик футболчига ҳафтасига 250 минг фунт маош ва 3 йиллик шартнома таклиф қилаётгани ҳақида хабарлар тарқалган эди.

“У билан шартнома имзоланг. Ҳозироқ. Агар у шартномани узайтирса, бу топ футболчиларни жамоага жалб этишга ёрдам бериши мумкин.

Агар улар Обамеянгни қўйиб юборишса, унинг ўрнини эгаллайдиган ким бор? Ляказетт барқарор эмас. Ҳа, улар уни сақлаб қолишлари керак”, - дейди Ричардс.

Обамеянг жорий мавсум АПЛда 30 та ўйинда майдонга тушди ва рақиблари дарвозасига 19 та гол уришга эришди.