ОЧЛ. "Ал-Духайл" - "Пахтакор": Матнли трансляция

ОЧЛ 3-туридан ўрин олган "Ал-Духайл" - "Пахтакор" ўйинидан матнли трансляцияни сайтимиз орқали томоша қилиб боришингиз мумкин. 

• 90+3'
  

  Учрашув якунланди. "Шерлар" чемпионлар лигасида яна бир бор мағлубиятга учради.

• 90'

  Иккинчи бўлимга 3 дақиқа вақт қўшиб берилди.

• 89'

  Мезбонлар стандарт вазиятдан фойдалана олмади.

• 84'
  

  ГОЛ. Эдмилсон хет-трикни расмийлаштирмоқда.

• 82'

  Нам Тае Хининг узоқдан йўллаган зарбаси хавфли кўриниш олди.

• 78'
  

  Славче Войнески 2 ўзгариш амалга оширмоқда. Рашидов ўрнига Азиз Турғунбоев, Шаркич ўрнига Жасур Ёқубов майдонга тушди.

• 74'
  

  "Ал-Духайл" сафида ўзгариш. Карим Будиаф ўрнига Луис Жуниор баҳсга қўшилди.

• 70'
  

  ГОЛ. Қатарликлар яна ҳисобни тенглаштирди. Яна ўша Эдмилсон гол уриб кетмоқда.

• 69'
  

  ГООООООООЛ! Хожиакбар Алижоновнинг супер пасидан сўнг Сардор Собирхўжаев рақиб дарвозасини ишғол қилди.

• 66'
  

  ГОЛ. "Ал-Духайл" ҳисобни тенглаштирди. Гол муаллифи - Эдмилсон.

• 66'

  Офсайдлар сони бўйича 1:3. "Шерлар" бу борада олдинда бормоқда.

• 63'

  Алибоевнинг узоқдан тепган тўпи майдон ташқарисига чиқиб кетди.

• 60'

  Ҳожимат Эркинов бирга-бир вазиятда ноаниқ зарба йўллади. 

• 58'

  Бурчакдан берилган узатмадан сўнг Алмоаз Али бош билан дарвозамизга зарба йўллади. Аммо Элдор Суюнов ўз ўрнида.

• 56'

  Рақиб фойдасига жарима зарбаси белгиланди. Бироқ қатарликлар бу вазиятни кўкка совуришди.

• 54'
  

  Ҳамробековга ҳужумни тўхтатиб қолгани учун сариқ карточка кўрсатилди.

• 53'

  Рашидов очиқ турган шеригини кўрмади ва ўзи зарба беришга қарор қилди. Бироқ унинг зарбасини рақиб посбони қайтариб қолди.

• 49'

  Одил Ҳамробековнинг кучли зарбасини дарвозабон бартараф этди.

• 46'
  

  Иккинчи бўлимга старт берилди.

• 45+1'
  

  Биринчи тайм якунланди. Ҳозирча ҳисоб 0:1 вакилларимиз фойдасига.

• 44'
  

  ГООООООООЛ! Сардор Рашидовнинг ажойиб ҳаракатларидан сўнг ошириб берган тўпини Шаркич бош билан дарвозага жойлаб қўйди - 0:1.

• 41'
  

  Черан ўз ўрнини Икром Алибоевга бўшатиб берди. Драган енгил жароҳат олди.

• 37'

  Шаркич қулай вазиятда турган Эркиновни кўрмай қолди ва хавфли бўлиши мумкин бўлган ҳужум якунига етди.

• 34'

  Алмоаз Али жарима зарбасидан узатиб берилган тўпга нотўғри чиқди. Яна бир ноаниқ зарба мезбонлар ҳисобида.

• 33'

  "Ал-Духайл" стандарт вазиятга эга бўлди. Бу хавфли бўлиши мумкин.

• 29'

  Сардор Рашидов қулай имкониядан гол ура олмади. Унинг деярли бўш қолган дарвозага йўллаган зарбаси ноаниқ кетди.

• 27'

  Ҳожимат Эркиновнинг узатмасидан сўнг Драган Черан зарба бериш имконига эга бўлди. Бироқ якуний зарба ноаниқ.

• 25'

  Драган Черан тиббий ёрдамга муҳтож. У оёқ пайларини чўзиб олган кўринади.

• 23'

  "Ал-Духайл" майда паслар орқали гол уришга ҳаракат қилмоқда. "Пахтакор" ҳозирча пайт пойлаяпти.

• 21'

  Эдмилсоннинг узоқдан йўллаган зарбаси ўта ноаниқ кўриниш олди.

• 19'
  

  Бурчак зарбаси тепиш навбати энди бизникиларга. 

• 18'
  

  Мезбонлар яна бир бурчак зарбасига эга бўлди.

• 17'

  Тўп назорати 71 фоизга 29 фоиз. Қатарликлар бу борада яққол устунлик қилмоқда.

• 14'

  Рақибларимизнинг ҳужуми жарима майдончамизда тўп  қўл билан тўхтатилгани учун тўхтаб қолди.

• 12'

  Ҳозирча тўп назорати бўйича "Ал-Духайл" устунлик қилмоқда.

• 10'

  Бурчакдан оширилган тўп нариги бурчак томон йўл олди ва майдон ташқарисига чиқиб кетди.

• 9'
  

  Бурчак зарбаси номинал мезбонлар фойдасига.

• 7'

  Қатар клуби футболчилари чиройли комбинациялар амалга ошириб, жарима майдончамизга ёриб кирмоқчи бўлди. Аммо ҳимоячиларимиз ўз ўрнида.

• 4'

  "Ал-Духайл" ўйиндаги илк хавфли вазиятни яратди. Бурчакдан ошириб берилган узатмадан сўнг рақиб футболчиси бош билан зарба берди. Аммо зарба ноаниқ кетди.

• 2'

  Вакилларимиз рақиб майдонида прессинг ишлатиб, тўпни олиб қўйди. Бироқ узатмадаги хатолик сабаб тўпни яна қатарликлар эгаллаб олди.

• 1'
  

  Учрашувга старт берилди.

• *'

  Ассалому алайкум, қадрли футбол мухлислари. ОЧЛ 2-туридан ўрин олган "Ал-Духайл" - "Пахтакор" ўйини старт олди. Мазкур учрашувдан матнли трансляцияни сайтимиз орқали томоша қилишингиз мумкин.