ОЧЛ. "Ал-Файсали" - "Насаф": Матнли транлсяция

Осиё чемпионлар лигаси гуруҳ босқичидан ўрин олган "Ал-Файсали" - "Насаф" учрашувидан матнли трансляцияни сайтимиз орқали томоша қилинг. 

• 90+3'

  Учрашув якунланди. Якуний ҳисоб 0:0. 

• 90'

  Учрашувга 3 дақиқа вақт қўшиб берилди.

• 89'

  "Ал-Файсали" чуқур ҳимояга ўтиб олди.

• 85'
  

  Марко Станоевич ўрнига Баҳром Абдураҳимов захирадан баҳсга қўшилди.

• 82'

  Марко Станоевич узоқ масофадан омадини синаб кўрди. Бироқ зарба ноаниқ кўриниш олди.

• 78'

  Станоевичдан яна бир зарба. Дарвозабондан яна бир сейв.

• 75'
  

  Шароф Муҳитдинов ўз ўрнини Семир Смайлагичга бўшатиб берди.

• 71'

  Майдонда ҳар бир қарич ҳудуд учун жиддий кураш кечмоқда.

• 68'

  Неъматов бирга-бир вазиятдан жамоамизни қутқариб қолди. Мартин Бойленинг айёрона зарбасини Абдувоҳид оёқлари билан қайтаришга муваффақ бўлди.

• 67'

  Тўп назорати 42% - 58%. Устунлик "Насаф" томонда.

• 66'

  Саудияликлар дарвозабони Мустафа Малаекага тиббий ёрдам кўрсатилмоқда.

• 62'
  

  "Ал-Файсали" сафида Муҳаммад Ал-Амри ўрнига Холид Кааби майдонга туширилди.

• 61'

  Умар Эшмуродов ажойиб тарзда рақибдан тўпни олиб қўйди ва рақибнинг хавфли ҳужумига якун ясади.

• 57'

  "Насаф"нинг деярли барча футболчиси рақиб майдонидан жой эгаллаган. Дарвозабонимиз Абдувоҳид Неъматов сўнгги ҳимоячи ролида пайдо бўляпти.  

• 55'

  Алибек Давронов қулай имкониятдан фойдалана олмади. Унинг зарбаси дарвоза тепасидан ўтиб кетди.

• 53'

  Вакилларимиз гол уриш учун астойдил ҳаракат қилмоқда. Аммо рақиб ҳам тартибли ҳимояланмоқда.

• 49'

  Станоевичнинг жарима зарбасидан тепган тўпини яна рақиб посбони эгаллаб олди.

• 46'
  

  Иккинчи бўлимга старт берилди.

• 45+1'
  

  Биринчи тайм тугади. Ҳозирча ўйинда ҳисоб очилмади - 0:0.

• 45'

  Биринчи бўлимга 1 дақиқа вақт қўшиб берилди.

• 43'

  Бозоровнинг яна бир зарбаси рақиб посбони томонидан бартараф этилди.

   

• 37'

  Ойбек Бозоров жарима майдонида йиқилиб тушди. Лекин хакам бу вазият пенальтига етарли эмас, деб ҳисоблади.

• 33'

  Нуруллоевнинг жаримадан узатиб берган тўпидан рақиб футболчиси ўз дарвозасини ишғол этиб қўйиши мумкин эди. Бироқ дарвозабон ишончли ҳаракат қилди.

• 29'

  Майдон марказида Нуруллоевга нисбатан қўполлик ишлатилди.

• 26'
  

  "Насаф" таркибида мажбурий ўзгариш. Иван Соловёв ўрнига Суҳроб Нуруллоев ўйинга қўшилди.

• 24'

  "Аждарлар" қулай имкониятдан фойдалана олмади.

• 21'

  Станоевичнинг жарима зарбасидан ошириб берган тўпига зарба берадиган футболчи топилмади.

• 18'
  

  Кескин қўпол ҳаракати учун "Ал-Файсали" аъзоси Валид Ал-Аҳмадга сариқ карточка кўрсатилди.

• 14'

  "Ал-Файсали" узун паслар орқали тезкор қарши ҳужумдан гол уришга ҳаракат қилмоқда. 

• 11'

  Мозговойнинг кучли зарбасига ҳимоячи "блок" қўйди. Қайтган тўп футболчимизга тегиб, майдон ташқарисига чиқиб кетди.

• 9'

  "Аждарлар" айни пайт тўп назорати бўйича устунлик қилмоқда.

• 7'

  Майдон марказида Станоевич рақибга нисбатан ўйин қоидасини бузди.

• 4'

  Вакилларимиз рақиб майдонида прессинг уюштириб, тўпни эгаллаб олди.

• 1'
  

  Учрашувга старт берилди. "Насаф" қора, "Ал-Файсали" оқ либосда ҳаракат қилади.

• *'

  Жамоалар майдонга чиқиб келишмоқда.

• *'

   

  Ассалому алайкум, қадрли футбол мухлислари. ОЧЛ 4-туридан ўрин олган "Ал-Файсали" - "Насаф" ўйини старт олди. Мазкур учрашувдан матнли трансляцияни сайтимиз орқали томоша қилишингиз мумкин.