ОЧЛ. "Ал-Ҳилол" охирги 5 ўйинда 17 та гол урган, "Навбаҳор" эса... (фото)

Эртага "Навбаҳор" Осиё чемпионлар лигаси доирасида ўз ўйинини ўтказади. Гуруҳ босқич 1-туридан ўрин олган "Ал-Ҳилол" - "Навбаҳор" учрашуви олдидан жаҳонга машҳур "Goal.com" нашри қизиқ статистикани тақдим этди. 

"Ал-Ҳилол" жамоаси барча мусобақалар доирасида сўнгги 5 учрашувда мағлуб бўлмаган. Клуб 4 ғалаба ва битта дуранг натижа қайд этган. Саудияликлар 17 та гол уриб, ўз дарвозасидан 5 та тўп олиб чиққан. 

"Навбаҳор" эса сўнгги 5 ўйинда 3 ғалаба, 1 дуранг ва 1 мағлубият қайд этган. "Лочинлар" ушбу беллашувларда атиги иккита гол ўтказиб юборган. 

Кўриниб турибдики, эртанги баҳс ҳужуми кучли ва ҳимояси мустаҳкам жамоалар ўртасидаги тўқнашув бўлади. Ушбу беллашувда ҳамюртларимизга муфаввақият ёр бўлишини тилаб қоламиз!

Шоҳрух Зоиров.