Одил Аҳмедовнинг бразилиялик жамоадоши яна

Санкт-Петербургнинг "Зенит" клуби "Шанхай СИПГ"да тўп сураётган собиқ ҳужумчиси Халкни жамоага қайтармоқчи. Бу ҳақда UOL Esporte нашри хабар тарқатмоқда.

Юқоридаги манбага кўра, 33 ёшли бразилиялик футболчи учун рус клуби "Галатасарай" ва "Палмейрас"га қарши рақобатлашишига тўғри келади. Айтиш керакки, Халкнинг хитойликлар билан амалдаги шартномаси жорий йил охирида ўз ниҳоясига етади ва шу сабабли у янги жамоасига эркин агент сифатида текинга бориб қўшилади.

Халк “Зенит” сафида 2012-2016 йилларда тўп сурган ва 148 та ўйинда майдонга тушиб, ўз ҳисобига 76 та гол ҳамда 60 та голли узатмага ёздириб қўйишга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)