ОФК кубоги гуруҳ босқичи Ўзбекистонда бўлиб ўтадими?

ОФК кубоги "F" гуруҳи баҳслари Тожикистон пойтахти Душанбе шаҳрида бўлиб ўтади. Бу ҳақда ОФК расмий сайти хабар тарқатди. Иштирокчи ассоциациялар билан давом этган узоқ музокаралардан сўнг ушбу қарорга келинди.

Эслатиб ўтамиз, мазкур гуруҳдан "Олой" (Қирғизистон), "Хўжанд" (Тожикистон), "Олтин Аср" (Туркманистон) жамоалари ўрин олган. Гуруҳдаги тўртинчи иштирокчи эса АГМК ёки "Насаф" жамоаларидан бири бўлади. 

Олмалиқнинг АГМК клуби ОЧЛнинг бир ўйиндан иборат плей-офф баҳсида Қатарнинг "Ал Гарафа" жамоасини мағлуб этса, ОЧЛнинг гуруҳ босқичига йўл олади. Ўз-ўзидан "Насаф" ОФК кубогида иштирок этиш имкониятига эга бўлади. Акс ҳолда, АГМКнинг ўзи иштирокини ОФК кубогида давом эттиради.

Илгарироқ, ЎзПФЛ бош директори вазифасини бажарувчи Диёр Имомхўжаев ОФК кубогининг "F" гуруҳи баҳсларига Ўзбекистон мезбонлик қилиш мумкинлигини айтиб ўтган эди.