ОФК сайти бугунги ўйин олдидан Норчаевни алоҳида эътироф этди

Бугун бўлиб ўтадиган Осиё чемпионлар лигаси ўйини олдидан ОФК расмий сайти турнир юлдузи бўлиши кутилаётган футболчиларни маълум қилди. 

Унга кўра, вакилларимиз "Насаф" сафидаги Ҳусаин Норчаев қаҳрамонлик кўрсатишга қодир, деб кўрсатилган Осиё футбол конфедерациясининг расмий саҳифасида. Шунингдек, унинг атиги 21 ёшда бўлишига қарамай ўзбек ва Осиё футболида "ярқираган юлдуз" бўлиб чиққани алоҳида қайд этилган.

Шунингдек, Ҳусаин билар бир қаторда Одион Игало ("Ал-Ҳилол"), Эдмилсон Жуниор ("Ал-Дуҳаил"), Эвер Банега ("Аш-Шабаб"), Федерико Картабия ("Шабаб Ал-Аҳли"), Росси ("Ал-Файсали"), Софиян Буффал ("Ар-Райян") ва Шаҳаб Гордан ("Фулад Хузестан") каби футболчилар ушбу рўйхатдан жой олган.