Оғир аҳволда олиб кетилган Неймар бўйича тезкор маълумот

Франция чемпионатининг 24-турида мусобақа пешқадами ПСЖ кучли рақибларидан “Лилль” билан куч синашиб, 4:3 ҳисобида зафар қучди.

Учрашувнинг биринчи бўлимида гол урган Неймар 51-дақиқада оғир жароҳат олиб, тиббиёт ходимлари назоратида майдондан олиб кетилди.

Бразилиялик юлдуз тезкор тиббий кўрикдан ўтказилди. Текширув  натижасида 31 ёшли тўпурарнинг тўпиғида пайлари шикастлангани аниқланди. Синиш аломатлари йўқ.

Шунга қарамай, бу жароҳат ҳам оғир ҳисобланади. Неймар майдонга қайтиш учун маълум муддат даволаниши талаб этилади.