Оғир атлетика. Чирчиқда ўсмирлар ўртасида Марказий Осиё чемпионати ўтказилади!

Ўзбекистон Республикаси Президентининг 2024-йил 20-мартдаги “Оғир атлетика спорт турини янада ривожлантириш чора-тадбирлари тўғрисида”ги ПҚ-137 сонли қарорига асосан, жорий йилнинг 20-25-июн кунлари Чирчиқ шаҳрида ўсмирлар ўртасида Марказий Осиё чемпионати бўлиб ўтади.

Мусобақада 5 та мамлакатдан 100 нафарга яқин энг сара полвонлар 42 та медаллар жамланмаси учун ўзаро баҳс олиб боради.

Марказий Осиё чемпионатига Халқаро оғир атлетика федерацияси (IWF) президенти Мухаммад Жалуд ҳамда Марказий Осиё давлатларининг оғир атлетика федерациялари раҳбарияти ташриф буюриши режалаширилган.

Мусобақанинг тантанали очилиш маросими 21-июн соат 14:00 да Ўзбекистон давлат жисмоний тарбия ва спорт университети манежида бўлиб ўтади.