Оғир атлетика. Ҳусинбой Матрасулов жаҳон чемпионатининг кумуш медалига сазовор бўлди!

Испаниянинг Леон шаҳрида ёшлар ўртасида жаҳон чемпионати ўзининг қизғин палласига кирди. Ҳозиргина эркаклар ўртасида -73 кг вазн тоифасида “А” гуруҳ баҳслари якунланди.

Биз учун аҳамиятлиси, ушбу вазн тоифасида юртимиз шарафини ҳимоя қилган Ҳусинбой Матрасулов даст кўтаришда 148 кг натижа билан кумуш медалга сазовор бўлди. Вакилимиз силтаб кўтаришда 167 кг (5-ўрин) ва иккикураш якунига кўра 315 кг (4-ўрин) натижа қайд этди.