Оғир атлетика. Осиё чемпионатининг яна 3 медали муборак

Пойтахтимиз мезбонлик қилаётган оғир атлетика бўйича Осиё чемпионати ўзининг қизғин палласига кириб бўлди.

Навбатдаги кунда 71 кг вазн тоифасидаги вакилларимиз 3 та медаль қўлга киритди. Хусусан, даст кўтариш машқида Дилноза Файзуллаева 82 кг билан, силтаб кўтаришда эса Гулшодахон Дадамирзаева 97 кг билан кумуш медални қўлга киритди. Икки кураш натижалари бўйича Дилноза Файзуллаева бронза медалига сазовор бўлди.

Ушбу медаллар билан ҳамюртларимизни табриклаймиз!