Og‘ir atletikachimiz oltin, kumush va bronza medalini ko‘lga kiritdi!

Saudiya Arabistonining Ar-Riyod shahrida VI Islom Birdamligi o‘yinlari davom etmoqda.

O‘zbekiston delegatsiyasi uchun bugungi bellashuvlar muvaffaqiyatli boshlandi. Og‘ir atletika bahslarida -65 kg vazn toifasida ishtirok etgan Adhamjon Ergashev dast ko‘tarish mashqida 134 kg bilan bronza medalga ega chiqdi.

Shuningdek, hamyurtimiz (-65 kg) siltab ko‘tarish mashqida 170 kg bilan oltin, ikki kurash hisobida esa 304 kg bilan kumush medalni qo‘lga kiritdi.

Shu tariqa, vakilimiz ushbu musobaqada barcha turdagi medallarni o‘z hisobiga yozdirib qo‘ydi. Bu haqda MOQ xabar bermoqda.