ОКМК - "Олимпик". 4-тўқнашув олдидан

Миржалол Қосимов бошқарувидаги ОКМК клуби бу сафар Тимур Кападзе устозлик қилаётган “Олимпик”га қарши баҳс олиб боради.

Суперлигада мазкур клублар илк бор ўтган йили тўқнаш келишган. Илк расмий учрашув 2022 йилнинг 6 июль куни бўлиб ўтган. Унда “Олимпик” мезбон сифатида ОКМКни 1:0 ҳисобида мағлуб этган. Иккинчи даврадаги баҳсда эса Қосимов шогирдлари жавобсиз 6 та гол уришган.

Бу йилги мавсумнинг биринчи даврасидаги баҳсда “Олимпик” ўз уйида ОКМКга 0:1 ҳисобида ютқазиб қўйган.

Ҳозирча бу клублар ўртасидаги ўйинда дуранг кузатилмаган. ОКМКда 2 та, “Олимпик” ҳисобида 1 та ғалаба бор. Тўплар нисбатига кўра ОКМК 7\1 кўриниши билан катта устунликка эга. Навбатдаги беллашув эса жамоаларнинг ўзаро 4-ўйинига айланади.