ОКМКга қарши ўйиндан олдин жароҳат олган Бензема сафга қайтди

Осиё чемпионлар лигаси 1-туридан ўрин олган ОКМК - "Ал Иттиҳод" учрашуви олдидан Карим Бензема жароҳат олиб сафдан чиққанди. 

Жеддаликлар расмий саҳифаси орқали франциялик ҳужумчини машғулотларда иштирок этаётганлигини маълум қилди. У "Ал Аҳли"га қарши ўйинда майдонга тушиши кутилмоқда.

Эслатиб ўтамиз, "Ал Иттиҳод"нинг ОЧЛ 2-туридаги "Сепахон"га қарши баҳси бекор қилинди. Айни пайтда иккала томон ўртасида учрашувни қайта ўтказиш борасида музокаралар ўтказилмоқда.