OKMKning ikki futbolchisi jamoani tark etdi! (foto)

OKMK jamoasi vakillari Sarvar Ablaev "Turon"ga, Zoxidjon Raximov esa "Andijon-SGS"ga yo‘l oldi. Bu haqda klub matbuot xizmati xabar berdi. 

"OKMK futbol klubining U-21 tarkibida munosib o‘yin ko‘rsatib kelgan Sarvar Ablaev va Zoxidjon Raximov mavsumning ikkinchi qismini boshqa jamoalarda o‘tkazadi.

Sarvar Ablaev Superliga vakili "Turon" klubiga yo‘l olgan bo‘lsa, Zoxidjon Raximov Pro-liganing "Andijon-SGS" jamoasiga ko‘chib o‘tdi.

Har ikkala futbolchimizning keyingi faoliyatiga omad va zafarlar tilaymiz!", - deyiladi xabarda.