Ольмо ва Виктор масаласида "Барселона" учун навбатдаги "зарба"

"Барселона" футболчилари Дани Ольмо ҳамда Пау Виктор клуб айрим нормаларни бажармагани боис 1 январдан Ла Лигада рўйхатдан ўчирилганди. 

Ўз навбатида, Ольмонинг шартнома шартлари клуб  футболчини рўйхатдан ўтказишни уддалай олмаса, Ольмо эркин агентга айланиш ҳуқуқига эга. Бироқ сўнгги хабарларга қараганда, Дани "Барселона"да қолмоқчи. 

Бугун тарқалган маълумотларга кўра, Ольмо ҳамда Виктор ЕЧЛда ҳам ўйнай олмаслиги мумкин. Бу ҳақда "SPORT" нашри хабар берди. 

Таъкидлаш керак, "Барселона" ёзда Ольмони 55 миллион евро эвазига "Лейпциг"дан харид қилинганди. Агар футболчи эркин агентга айланиш истагини билдирган тақдирда, клуб 55 миллион еврога "кўяди", шунингдек, унинг 2030 йилгача бўлган маошини тўлаб беришга ҳам мажбур.