"Олтин тўп" учун асосий даъвогар маълум бўлди: “Бавария” юлдузлари етакчи, Месси ва Роналду юқорилади

Нуфузли Goal портали саҳифаларида 2026 йилда "Олтин тўп" учун курашда фаворитларнинг янги рейтинги эълон қилинди. Ижодкорлар икки ҳафта ичида биринчи марта рейтингни янгилади.

Ушбу рейтингнинг юқори икки поғонасида ўзгариш юз бермади, уларни "Бавария" футболчилари Харри Кейн ва Майкл Олисе эгаллаб турибди. Айнан Кейн "Олтин тўп"га асосий даъвогар ҳисобланади.

"Барселона"дан Ламин Ямал учинчи ўринга кўтарилди. Кейинги ўринларда Луис Диас, Эрлинг Холанд, Килиан Мбаппе, Усмон Дембеле, Деклан Райс, Хвича Кварацхелия ва Хулиан Алварес бормоқда.

Лионел Месси 15-ўриндан 13-ўринга, Криштиану Роналду 17-ўриндан 14-ўринга кўтарилди.

Ўтган йили "Олтин тўп"ни Усмон Дембеле қўлга киритган эди.