Онананинг трансфери "Манчестер Юнайтед"га қанчага тушади?

“Интер” дарвозабони Андре Онананинг трансфери "Манчестер Юнайтед"га бонуслар билан бирга 60 миллион еврога тушади. Журналист Альфредо Педулланинг фикрича, “Интер”нинг талаблари шу.

Манбага кўра, миланликлар 27 ёшли камерунлик футболчини олиш осон бўлган 12-15 миллион миқдоридаги бонуслар шарти билан 45-48 миллионга сотишга тайёр.

Олдинроқ "Манчестер Юнайтед" Онана учун 50 миллион евро ва бонуслар таклиф қилгани маълум бўлганди. Аммо “нерадзуррилар” ушбу таклифни рад этишган.