Opta суперкомпьютери мундиал финали фаворитини аниқлади

Opta суперкомпьютери Испания миллий терма жамоасини Аргентина футболчиларига қарши бўлиб ўтадиган 2026 йилги жаҳон чемпионати финалида фаворит, деб ҳисобламоқда.

Сунъий интеллект томонидан мураккаб алгоритмлар асосида ўтказилган тадқиқот натижасига кўра, Испаниянинг ғалаба қозониш эҳтимоли 56,31 фоизга баҳоланган бўлса, амалдаги чемпион Аргентинага 43,69 фоиз имконият берилган.

Учрашув 19 июль куни АҚШнинг Нью-Жерси штати, Ист-Ратерфорд шаҳрида жойлашган «Метлайф Стэдиум» аренасида бўлиб ўтади. 

Мундиал ярим финалида Аргентина  футболчилари Томас Тухель бошқарувидаги Англияни 2:1 ҳисобида мағлуб этган бўлса, Испания ўз қитъадоши Франциядан 2:0 ҳисобида устун келган.