Ўқ отиш. Осиё чемпионатини бронза билан бошладик

Корея Республикасининг Тегу шаҳрида ўқ отиш спорти бўйича Осиё чемпионати бўлиб ўтмоқда. Бугун баҳсларга киритган Ўзбекистон терма жамоаси мусобақанинг илк кунини муваффақиятли ўтказди.

Ўсмирлар ўртасида 10 метрга пневматик милтиқдан ўқ отиш баҳсларида Жавоҳир Соҳибов саралашдан муваффақиятли ўта олди. Кучли мактабга эга терма жамоа вакиллари билан кечган финалда Соҳибов бронза медальини қўлга киритди.

1-ўрин - П.Мане (Ҳиндистон)
2-ўрин - С.Ха (Корея Республикаси)
3-ўрин - Ж.Соҳибов (Ўзбекистон)

Фикрлар

Фикр қолдириш учун авторизациядан ўтинг!