Оқ Уйда жанг қилиш таклифини рад этдим!

  • 20.03.2026 13:11
  • Javohir Malikov
  • 0
  • MMA

Франциялик ММА устаси Бенуа Сен-Дени майда-чуйда рақибларга қарши чиқмасдан, катта қайтишни амалга оширмоқчи. Шу боис у Оқ уйдаги UFC турнирида Майкл Чендлер билан жанг таклифини рад этганини айтди.

"Айни дамда Чарльз Оливейра билан жанг қилмоқчиман. Тўғри, Макс Холлоуэй унга қаршилик кўрсата олмади, лекин мен буни уддалайман. У билан Бразилияда учрашишга ҳам тайёрман.

Оқ уйдаги турнирда иштирок этиш таклифи берилди. Бироқ рейтингда мендан пастда турган Майкл Чендлер билан баҳсни истамадим. Шунингдек, у вақтда соғлиғим билан боғлиқ жиддий муаммоларим ҳам бор эди. Шу сабаб бу таклифни рад этдим. Энди июль ойининг ўрталарида октагонга қайтиш учун 100 фоиз тайёр бўламан", - деди Бенуа "Super Moscato Show" га берган интервьюсида.

Маълумот учун, UFC енгил вазн тоифаси рейтингида Сен-Дени бешинчи, Чарльз Оливейра учинчи, Майкл Чендлер эса ўн учинчи ўринни эгаллаб турибди.

 

Фикрлар

Саралаш
Фикр қолдириш учун авторизациядан ўтинг!