O‘rtoqlik uchrashuvi. Angliya Uelsni yirik hisobda mag‘lubiyatga uchratdi

Tomas Tuxel boshchiligidagi Angliya terma jamoasi Uelsga qarshi o‘rtoqlik uchrashuvida ishtirok etib, yirik 3:0 hisobida g‘alaba qozondi. 
 
Uchrashuvning 3-daqiqasidayoq Morgan Rodjers hisobni ochdi. 11-daqiqaga kelib esa Olli Uotkins oradagi farqni 2 taga etkazib qo‘ydi. Eng qizig‘i shuki, mazkur ikki golga ham "Kristal Pelas" himoyachisi hisoblangan Mark Gexi assistentlik qildi. Oradan 9 daqiqa o‘tib esa "Arsenal" hujumchisi Bukayo Saka super gol urib, hisobni yiriklashtirib tashladi.