Ўруновда асосий таркиб учун имконият: жамоанинг муҳим ўйинчиларидан иккитаси жароҳат олди!

7 февраль, 2021, 17:26
0
Футбол

"Спартак" - "Рига" учрашуви айни дамда бўлиб ўтмоқда. Учрашувнинг 8-дақиқасида мезбонларнинг 7-рақамли футболчиси Александр Соболев тўқнашув натижасида шикастланиб, захирага олинди. 34-дақиқада эса ҳимоячи Жиго ҳам худди шу тарзда майдонни тарк этди. Шу тариқа, ҳамюртимиз Остон Ўруновда асосий таркибда майдонга тушиш имконияти ошди. Аслида, Остон на Соболевнинг, ва на Жигонинг позициясида тўп суради, лекин марказдаги Бакаев Соболевнинг ўрнига ўтса, ҳамюртимиз марказни эгаллаши мумкин.

90+1'
Учрашув якунланди! "Спартак" назорат ўйинида "Рига"ни йирик ҳисобда мағлуб этди. Матнли трансляцияни Абдулла Маннонов олиб борди. Эътиборингиз учун раҳмат!
90'
ГОООООООООООООООООЛЛЛ!!! "Спартак" ўйин якунида ҳисобни янада йириклаштирмоқда! Ўнг қанотдан ҳужум уюштирилди ва жарима майдони ичидаги Ларссон тўп билан таъминланди. Дарвозабоннинг узоқ бурчагини кўзлаган Ларссон эса голи билан ҳисобни йириклаштирди! 4-0!
87'
3 та гол "Спартак"ка етади шекилли. Ҳужумлар деярли уюштирилмай қўйди.
85'
"Рига" футболчиси дарвозабон билан бирга-бир вазиятга чиқиб кетди, дарвозабон тезлик билан тўпга чиқиб келди ва зарба берилгунга қадар тўпни эгаллаб олди!
84'
ГОООООООООООООЛЛЛ!!! Виктор Мозес пенальтидан унумли фойдаланган ҳолда ҳисобни йирик кўринишга келтириб қўйди! 3-0!
83'
Пенальти! "Спартак" пенальти тепади!
80'
Ўзгариш: Остон Ўрунов Игнатов ўрнига ўйинни давом эттиради!
79'
Негадир, "Спартак" ўйин бошқарувини йўготгандек. Кузатамиз, охири нима бўларкин.
75'
Агрессив ўйин, бу кетиш бўлса, карточкалар ёмғирини кўришимиз ҳеч гап эмас.
72'
Латвиялик футболчи тўпга улгурмади, бирга-бир вазиятга чиқиб кетилиши мумкин эди, бироқ узатма жуда кучли чиқди.
69'
Дарвозага йўлланган жами зарбалар: 7:3!
67'
Майдон марказида ўйин қоидаси бузилди. Меҳмонлар жарима тўпи тепади.
65'
ГООООООООООООООЛЛЛ!!! Эсекель Понсе пенальтидан унумли фойдаланди ва ҳисобни ишончли кўринишга келтириб қўйди! 2-0!
64'
Пенальти! "Спартак" футболчиси жарима майдончаси ичида чалиб йиқитилди ва бош ҳакам 11 метрлик нуқтани кўрсатди!
63'
"Спартак"нинг ҳужуми кучсизланиб бормоқда.
61'
"Рига" вингрери қанотдан тўпни жарима майдони марказига етказиб берди, бош билан берилган зарбага бирозгина аниқлик етишмади.
59'
"Спартак" футболчилари дарвозабон билан кўп ўйнаяпти, ўз жарима майдончалари атрофида кўп вазият содир этишяпти.
58'
ГООООООООООООЛЛЛ!!! "Спартак" ҳисобни очмоқда! Зобнин жарима майдончаси ташқарисидан туриб пушка зарбаси билан дарвозани ишғол қилди! 1-0!
57'
Такрорий бурчак тўпи қисқа пас билан амалга оширилди, бу позицион ҳужумга айланиб кетди.
56'
Бурчакдан узатилган тўпни ҳимоячи тезкорлик билан майдон ташқарисига чиқариб юборди.
55'
Жарима майдони ташқарисидан берилган кучли зарбани "Рига" дарвозабони қайтарди, "Спартак" бурчак тўпи тепади.
53'
Москваликлар вакили рақиб оёғига жуда кучли ташланди, бу анча жиддий кечди. Тиббий ёрдам зарур чоғи.
52'
"Спартак" ўз фойдасига секин ўйнамоқда, куч тежаляпти.
50'
Латвия клуби ўз майдонида позицион ҳужум уюштиришни бошлади.
48'
"Спартак" футболчиси рақиб жарима майдончаси ичида дарвозабон билан тўқнашиб кетди ва йиқилди. Ҳакам пенальти йўқ деб топди.
47'
Ригаликлар хавфли ҳужумни бир амаллаб тўхтатишди, дарвозабон бунда катта рол ўйнади.
46'
2-бўлим бошланди!
45'
Футболчилар майдонга қайтишмоқда, биз ҳам қайтамиз.
45'
Биринчи бўлим якунланди. Танаффус.
39'
Номинал мезбонларнинг чап қанотдан уюштирган ҳужуми жарима майдони ташқарисидан туриб берилган кучли зарба билан якунланди, зарбага аниқлик етишмади.
37'
Тўп майдон марказида туриб қолмоқда. Қарши ҳужум "Рига" футболчилари қўллайтган асосий тактика.
35'
Ўйин темпи бироз пасайди, ҳамон "Спартак" тўп назорати бўйича доминант.
33'
Яна бир жароҳат! Ҳимоячи Самуэль Жиго тўқнашув натижасида шикастланиб, ўйинни давом эттира олмаслиги маълум бўлди.
29'
"Спартак" ва "Рига" футболчилари қаттиқ тўқнашиб кетишди, майдонга шифокорлар чиқишди.
28'
Дарвозабон ҳеч кимга зарба беришга йўл қўймади, тўпга ҳаммадан биринчи сакраб чиқиб уни эгаллаб олди.
27'
Жарима майдони яқинида яна қоидабузарликлар авж олмоқда. Бу сафар ўнг қанотдан жарима тўпи ижро этилади.
25'
"Рига" сўнгги 10 дақиқа ичида илк бор хавфли ҳужум ташкил этишди, сўнгги зарба дарвоза устунининг ёнгинасидан ўтиб кетди!
23'
"Спартак"нинг кетма-кет ҳужумлари ҳимоячиларнинг тезкорлиги сабабли бартараф этилмоқда.
21'
Тўп назорати статистикаси: 65-35!
19'
Жаримадан узатилган тўпни бош билан дарвозага йўналтиришди, бироқ тўп бироз юқорилаб кетди.
17'
"Рига" жарима майдони ташқарисида ўйин қоидаси бузилди. Жарима зарбаси ижро этилади.
16'
Соболев ўйинни давом эттира олмайди. У ўйинни захира ўриндиғидан кузатиб боради.
15'
Қўполлик. Бундай фол учун сариқ карточка кўрсатилса арзийди, бироқ бош ҳакам оғзаки огоҳлантириш билан чекланди.
13'
Қанотдан амалга оширилган узатмани "Рига" дарвозабони ушлаб олди.
11'
Москваликлар ўйинда жиддий доминантлик қилишмоқда.
10'
Чап қанотда уюштирилган ҳужумнинг тўп учун жиддий кураш натижасида бироз темпи пасайди, тўп аутга чиқиб кетди.
8'
Соболевнинг жароҳати жиддий шекилли. У майдонда тиббий ёрдам олмоқда.
7'
Мезбонлар ҳужумчиси Александр Соболевга нисбатан ўйин қоидаси бузилди. Жарима майдончаси яқинида жарима зарбаси ижро этилади.
6'
"Спартак" тўпни назорат қилмоқда.
5'
"Спартак" ҳужумчиси тезкорлик билан жарима майдончаси ичига ёриб кирди ва зарба берди, тўп тўғри дарвозабоннинг қўлига бориб тушди.
3'
"Рига" ҳимоячиларидан бири битта калит пас билан жамоасини ҳужумга олиб чиқмоқчи эди, бироқ узатма сўнгги сонияларда блокланди.
2'
"Спартак" футболчилари ўз майдонида тўпни назорат қилмоқда. Позицион ҳужум уюштириш учун рақиб хатоси пойланяпти.
1'
Учрашув бошланди!
0'
Футболчилар майдонга чиқиб келишмоқда. Ўрунов учрашувнинг асосий таркибига киритилмаган. Ўйин старт олиш арафасида.
0'
Ассалому алайкум, қадрли футбол ихлосмандлари! "Спартак" - "Рига" баҳси старт олиш арафасида турибди. Учрашувни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов олиб боради.