O‘runovning klubiga Bolgariya terma jamoasi a’zosi kelmoqda

Sofiyaning TsSKA klubi va Bolgariya terma jamoasi himoyachisi Bojidar Chorbajiyski faoliyatini Rossiya premer-ligasida davom ettirishi mumkin.

Maritsa nashri tarqatgan xabarga ko‘ra, 24 yoshli futbolchiga hamyurtimiz Oston O‘runov to‘p suradigan "Ufa" klubi jiddiy qiziqish bildira boshlagan. Klublar bu borada allaqachon kelishuvga erishib bo‘lishgan, ammo shartnoma imzolanishiga hali ancha bor.

Chorbajiyski Bolgariya terma jamoasida 8 ta o‘yin o‘tkazgan. Uning transferi esa  475 ming evroga baholanmoqda.