Ўруновнинг рақобатчиси Англияга кетади
“Спартак” ярим ҳимоячиси Алекс Крал ҳамон Англия клублари нишонида турибди ва қишда премьер-лигага кўчиб ўтиши мумкин.
Таъкидлаш жоизки, бу футболчи асосий таркиб учун курашда Остон Ўруновнинг рақобатчиларидан бири ҳисобланади.
Маълумотларга қараганда, Чехия терма жамоаси вакилининг трансфер суммаси 30 миллион фунтга баҳоланмоқда. Ҳозирча номи сир тутилаётган Англия клублари келаси йили ёзда бўладиган Европа чемпионатида Кралнинг нархи ошиб кетиши мумкинлигидан хавотирланиб, ярим ҳимоячини қишда қўлга киритишни режалаштирмоқда.
Крал “Спартак” жамоасига 2019 йили “Славия”дан олиб келинган. Москваликлар бу футболчи учун 12 миллион евро тўлаган.
Фикрлар