Ўруновнинг устози "Уфа"ни "Атлетико" билан таққослади

Россиянинг "Уфа" клуби бош мураббийи Вадим Евсеев "Атлетико" устози Диего Симеоне дунёнинг энг кўп маош олувчи мураббийи эканлиги ҳақидаги хабарга ўз муносабатини билдириб ўтди.

"У дунёдаги энг қиммат автобус ҳайдовчиси! Бизнинг "Уфа"да ҳам автобус бўлса-да, у анча ёмонроқ деб ўйлайман", - дейди Евсеев.

Маълумот учун, аргентиналик мутахассис "матрасчилар"дан йилига 40 млн евро маош олади.

Эслатиб ўтамиз, "Уфа" жамоасида айни дамда Ўзбекистон терма жамоаси аъзоси Остон Ўрунов тўп сурмоқда. Уфаликлар 22 та турдан сўнг РПЛ мусобақа жадвалида 9-ўринда боришмоқда.