Осимхен Марадонани ва яна бир "Наполи" афсонасининг рекордини янгилади

Виктор Осимхен "Наполи" сафида қаторасаига 4-мавсум А Серияда 10 тадан ортиқ гол уриб келмоқда. 

Кеча форвард А Серия 21-туридан ўрин олган "Сассуоло"га қарши ўйинда (6:1) хет-трик қайд этди. Эндиликда унинг жорий мавсум А Сериядаги голлари сони 11 тани ташкил этади. 

Осимхен "Наполи" тарихида кетма-кет 4 мавсум Италия чемпионатида 10 ва ундан ортиқ гол урган учинчи футболчига айланди. Ундан аввал бу ишни фақат Диего Марадона (1984-1988) ва Аттила Саллустро (1929-1933) уддалаган.