Осимхен "Наполи"га ўтиш учун АПЛ грандларининг таклифини рад этди

"Лилль" клуби ҳужумчиси Виктор Осимхен фаолиятини "Наполи"да давом эттирмоқчи.

GFFN нашрининг ёзишича, томонлар деярли келишувга эришиб бўлишган. Энди 21 ёшли нигериялик футболчи А Серия гранди сафида тиббий кўрикдан ўтиши ва 6 йиллик шартнома имзолаши қолди холос.

Таъкидлаш керакки, Осимхен “Наполи”га ўтиш учун “Ливерпуль" ва "Манчестер Юнайтед"дан бўлган таклифни рад этган.

Виктор жорий мавсум “Лилль” сафида 38 та ўйинда майдонга тушди ва 18 та гол ҳамда 6 та голли узатма ёздириб қўйишга эришди.