Осиё чемпионати: Элнур Абдураимов афғонистонлик боксчига қарши жанг қилди

Катталар ўртасидаги бокс бўйича Осиё чемпионатининг бугунги кун дастуридан ўрин олган навбатдаги вакилимиз жанги ҳам ўз якунига етди. Яъни -64 кг вазн тоифасидаги боксчимиз Элнур Абдураимов афғонистлнлик Муҳаммад Султонга қарши рингга кўтарилди. 

Кутилганидек, ушбу тўқнашув ҳамюртимизнинг яққол устунлиги билан бошланди ва бу тез орада ўз самарасини берди. Янада аниқроқ қилиб айтганда, жангнинг дастлабки дақиқаларидаёқ рақибини нокдаун ҳолатига туширди. Бироқ тез ўзини тиклай олган афғон боксчиси қолган раундларда жиддий қаршилик кўрсата олди. Бироқ тажрибали Элнур якунда 5:0 ҳисобида жанг тақдирини ўз фойдасига ҳал қилди. 

Шу тариқа, Элнур Осиё чемпионати ярим финал босқичига йўл олди. Бугунги кун дастуридан яна 5 нафар ўзбекистонлик боксчиларнинг жанги ўрин олган. Уларнинг натижаларидан ҳам бохабар қилиб борамиз. Воқеалар ривожини бизда кузатиб боринг!